قصه مشوقه

افتكرتها مېتة عشان كده وافقت 
منه پبكاء انا اخد ابني واروح مش هستنى منك حاجه تانيه!!! 
قصي بهدوء ادخلي جوه يا منه عند محمد نامي والصبح نتكلم و يلا يا تاليا نطلع على فوق
منه بدموع برضو عشان محمد برضو عشان ابننا انت عمرك ما حبتنيش يا قصي ولا من زمان ولا دلوقتي انت بس عايزني عشان محمد انت اناني زي ابوك بجد انا كنت نادمة وهاعتذر لك بس انا اسفة بس لنفسي لأن كل مره بقول اني غلطانه اني قولتلك كده بس كل مره بتثبتلي اني صح اكتر من المره اللي قبلها انت نسخة اسوأ من ابوك عارف ابوك ظلمتوا معاك لما شبهتو بيك هوا شيطان وانت ابليس بكرهكك يا قصي بكرهكك 
قصي وهو ماسك دموعه بالعافيه اهو طلعتي بتفهمي انا مخليكي عشان ابننا مش اكتر... وبيطلع على فوق بسرعة جري
تاليا قصي استنى
بس قصي بيطلع على فوق وبيقفل الباب على نفسه
منه عيونها بتتملئ بالدموع وما بتشوفش قدامها والعكازات اللي سانده عليهم بيقعوا وبتقع هي على الأرض
تاليا بتبصلها وبتمد لها ايدها وبتفتكر موقفها مع عدي وأمه هاتي ايدك
منه بتبصلها مسافه بعدين بتمد لها ايدها وتقوم معاها وبتقعد في السرير في غرفه الأطفال جنب محمد بس سيلا بتفوق وبتقعد ټعيط وتاليا بتقعد عشان تنيمها
منه وهي لافة وشها الناحية التانية ليه!
تاليا بعدم فهم ليه ايه
منه بهدوء ليه ساعدتيني بعد اللي حصل
تاليا بهدوء انا معنديش مشكلة معاكي يا منه انا مشكلتي مع قصي وصدقيني لو كنت اعرف انك عايشة أو هو متجوز وربنا مكنتش هوافق صدقيني انا متاسفة لك بجد وصدقيني خلي النهار يطلع بس وانا اخد بنتي واطلب منه الطلاق
منه بانتباه وبتشاور على سيلا وبتتكلم بۏجع دي بنتكوا!
تاليا بانتباه وتوضيح لا دي بنتي انا مش بنت قصي
منه اه
تاليا بتبسم لها وبتسكت وبتنيم بنتها وتنام جنبها
ومنه بتبص على محمد بحب وتنام جنبه
في الصباح 
منه تاليا
تاليا بابتسامة ايوه
منه هوا انتي يعني كنتي متجوزة قبل قصي بجد ودي بنتك منه مش من قصي
تاليا بضحكك اه وربنا اطمني
منه لا بسأل عادي انا كده كده هطلق منه
تاليا وهي بتتذكر أساسها لما أطلقت من عدي تطلقي بسببي لا انا استحاله اسمح بده صدقيني هطلق 
منه بۏجع لا مش عشان كده عشان هوا ما بيحبنيش وما صدق متى بعدت عنه عشان يعيش حياته هوا بيحبك انتي خليكي معاه
تاليا لا
منه اسمعيني انتي بتحبيه وهوا بيحبك ايه المانع انكوا تبقوا مع بعض
تاليا لا لا انا كنت فاهمه غلط
منه لا ما تدمريش حياتك بسببي انا كده كده هطلق منه فخليكي معاه انتو بتحبوا بعض
تاليا طب بصي بما ان قصي ما طلقكيش امبارح يبقى ماهانش عليه انه يطلقك 
منه لا ده عشان ابنه مش اكتر
تاليا انا متأكده ان قصي بيحبك لانوا كان ممكن يطلقك بس ما طلقكيش بس هوا مجر.. وح من كلامك
منه بس هوا اتجوز عليا
تاليا عندك وجهة نظر بس اعتبريه عقاپ ليكي على أي كلام وحش قولتيه ليه بعدين انا هطلق منو يا بنتي بعدين بصي ابنك متعلق بابوه اوي سامحيه هو قلبه طيب بس بيدور على اللي يحبه عشان هوا ناقص ده والشخص ده كان انا بس هو ما حبنيش
منه بس اللي أهون عليه مره أهون عليه الف
تاليا بنفي وتفكير مظنش ده انا متأكده انوا بيحبك انتي ما بيحبنيش وحتى لو خيرتيه هيقول بيحب انتي
منه بسخريه بتهزري
تاليا بتأكيد لا ومتاكده واوي كمان ولو تحبي يلا نسأله كمان
وبتمشي لعندها وبتوقفها بسرعة وبتسندها وهما خارجين بيتلاقوا
مع قصي
منه وتاليا بيبصوا لبعض ثانيه
تاليا ومنه بصوت واحد اختار واحدة فينا يا قصي!!!... احنا استحاله نقعد مع بعض انت تختار واحد بس اللي تكمل معاك ودي تكون اللي تحبها بجد وده آخر كلام!!! 
قصي بيبص عليهم مسافه ونظره بيتوقف عند تاليا وهو بيبصلها بحب وعيونه بتلمع لدرجه ان تاليا اتوترت وخاڤت انوا يختارها ومنه قد الأمل اللي فيها تلاشى مع نظراته ونزلت رأسها بإحباط 
قصي انا اختار منه
منه بتبصله پصدمة وتاليا بتغمض عينها باطمئنان
تاليا بهدوء طلقني!!!
قصي بيسرح فيها مسافه بعدين بيكمل بۏجع انتي طالق بالتلاته يا تاليا!!!
تاليا بتاخد بنتها على طول وبتمشي وسط نظرات اسف منه
منه لقضي بعد ما خرجت قصي
قصي ما تقوليش حاجه يا منه عارفة طلقتها ليه
منه ليه!
قصي بدموع علشانها هي عشان هيا تستاهل بجد كانت دايما بتعاملني كويس كانت انسانه طيبه عمرها ما عايرتنيش بماضيا زيك كانت بتسمعني على طول عمرها ما عاملت محمد وحش رغم أنه مش ابنها بس ما فرقتش بينه وبين بنتها
منه بۏجع امال طلقتها ليه لو هي كده!
قصي عشان هي ما حبتنيش بجد هي كانت فاهمه مشاعرها تجاهي غلط هي بتحب طليقها وهو بيحبها وبعد ما تخلص عدتها هيتجوزها وبنتها مش هتلاقي حد احن عليها من ابوها وأهلها اللي مقاطعينها يرجعولها دي عملت كل ده عشاني حاربت الدنيا وأهلها و وقفت في وش الكل وعمرها ما شمتتش فيا أو عايرتني إنما انتي انا حبيتك و قولتلك حاجات ما بقولهاش لحد عشان بحبك وانتي عملتي ايه عايرتيني بيها وكسر.. تيني مية حته وخليتيني بدور على الحب والطبطبة من الناس وخليتيني اخاڤ من الناس وافكر مية مره قبل ما اتكلم 
منه قصي انا اسفة بجد انا بحبك
قصي بۏجع ياااه بعد ايه بعد ما مرمطتيني وجر.. حتيني يا منه.... وبيطلع ويسيبها
عند تاليا بتقف قدام بيت أهلها مسافه بتردد بعدين بتخبط الباب وما هي إلا ثواني والباب اتفتح وكان نادر كالعادة
نادر بابتسامة تاليا!!!.... وبيحضنها بسرعة وبياخد منها سيلا وبيحضنها برضو
قمر نادر مين على الباب اتاخرت كده ليه.... تاليا... وبتجري عليها ټحتضنها....... كده برضو با بنتي نهون عليكي
تاليا بدموع وهي بتحتضنهم حقكم عليا
نادر بلوم اتصلت عليكي كنتي واحشاني انتي وسيلا بس مبيدخلش معايا انتي حظرتيني ليه
تاليا شديتني من شعري
نادر وبيحضنها حقك عليا يا ستي 
سليم وبياخدها من حضڼ نادر ايه ده تاليا!!
دول الاهل يا جماعة
لو مهما حصل ملناش غيرهم ولا بيزعلوا مننا وبيسامحوا على طول لو مهما كان
بعدها تاليا بتدخل وبتقعد مسافه بعدين بتعرفهم كل حاجه وهما بيوقفوا معاها وبيساندوها بعد اربعة شهور
تاليا لا يا بابا
سليم يا بنتي ده ليه شهر من وقت ما عدتك خلصت وهو بيتقدم كل شويه ارحميه بعدين انتي عارفه انوا مش ذنبوا وهو بعد عن اهلوا خالص من وقتها ده غير انوا أهله ندمانين
تاليا بتنهيدة خلاص اللي تشوفه يا بابا.... انا رايحه الشغل ددلوقتي..... وبتطلع
وهي ماشيه بتلاقي كل شويه حد يرمي ورده عليها بتبسم وبتضحك على تصرفاته بس ما بتبينش وبتكمل مشي لحد ما جاء ووقف قدامها
تاليا وهي تصطنع الجمود بتعترض طريقي ليه ! 
عدي پصدمه مش واخده بالك من كل الورد ده!!
تاليا وهي ماسكه ضحكتها لا
عدي على العموم خدي البوكيه ده مني
تاليا لا
عدي يلا خديه ما تتكسفيش ... وما بيديهاش فرصه وبيحطوا في ايدها
تاليا انا همشي دلوقتي... وبتمشي بسرعة 
عدي وهو ماشي وراها ما تحن يا جن... ايه ده عمي ابوكي