قصه كامله

وهي تعيد تغطية الوعاء طيب تمام هاروح أنا اشوف البيت بره عامل ازاي واقفلي انتي ع الأكل اما يخلص وزودي شوية ملح هنا لأحسن الأكل دلع
سنية حاضر يا هانم
ثم توجهت سهير لتطمئن على أحوال المنزل بالخارج وكذلك البنات
سهير ها يا دينا خلصتي جهزتي نفسك ولا لسه الضيوف على وصول
دينا وهي ترتب هندامها اه يا مامي كله تمام عندي
سهير اومال فين جانا مش معاكي ولا ايه
سهير وهي تنزع الغطاء عن جانا ايه يا جوجو يا حبيبتي كل ده نوم مينفعش اصحي بقى انتي ناسية عندنا ضيوف النهاردة قومي كده وصحصحي 
جانا والنوم يغلبها أنطي بليز سيبيني أنام شوية انا تعبانة مش قادرة
سهير تعبانة من ايه قومي بقى بلاش دلع 
وفي شركة يوسف الكيلاني 
كان كلا من يوسف وابنه عز قد انتهيا من الاجتماع الهام وفي طريقهما للنزول
يوسف وهو ينظر في ساعة يده يالا يا عز يدوب نلحق نروح للناس مش عاوزين نتأخر عليهم زمانهم منتظرينا
عز في نفسه بتهكم يعني هنروح نفتح عكا ياخي
يوسف وهو يتفحصه ها يا عز مالك ساكت مش بترد ليه
عز بزهق حاضر يا بابا هجيب المفاتيح وهاجي
عز بضيق جرى ايه يابابا هو احنا رايحين ناكل ولا رايحين نخطب ده ايه العزومة الفقر دي 
وبينما كان عز في طريقه إلى مكتبه قابل صديقه الأخر ياسين 
ياسين مندهشا مالك يا عز اخد في وشك كده ليه
عز بنبرة منزعجة أبويا يا سيدي أل ايه عاوزني اروح معاه لعزومة واحد صاحبه عاملها مخصوص عشان يشكرني اني أنقذت بنت اخوه
ياسين بفرح وهو يغمز له الله أكل طب وماله ده شيء
عظيم هنيالك يا عم
عز بتهكم هنيالي
ايه وزفت ايه المصېبة ان البت اللي انقذتها دي انا اللي حدفتها في المياه عشان لسانها الزفر 
عز وهو يجمع متعلقاته مش وقته يا ياسين اما أرجع هحكيلك اللي حصل 
ياسين ماشي يا زيزو هتستنى ال details كلهامنك
نهض عز الدين عن مكتبه ثم توجه نحو باب الغرفة و..
عز وهو يدلف لخارج من مكتبه ان شاء الله سلام
في نفس الوقت كان يوسف يجلس منتظرا في السيارة وبين الحين والأخر ينظر في ساعة يده لمح ابنه عز وهو يدلف خارج مقر الشركة ويتوجه نحو السيارة ثم فتح باب سيارته وجلس خلف مقود القيادة و...
يوسف وهو ينظر إليه ايه يا عز اللي اخرك كده 
عز وهو يغلق
الباب مافيش يابابا هو أنا اتأخرت ع الديوان كنت بكلم ياسين وجيت على طول
يوسف وهو يشير بيده للأمام طيب يالا بينا ومتنساش تقف عند محل ورد وتجيب الشيكولاته 
عزبضيق حاضر
عودة مرة اخرى إلى منزل حسين الدمنهوري 
سهير بدهشة ايه يا جانا اللي عملاه في نفسك ده 
جانا وهي تمسك بطرف ملابسها ماله يا أنطي شكلي ماهو حلو أهوو
كانت جانا ترتدي منامة وشعرها متناثر وتضع لكلوك في قدمها على هيئة سبونج بوب 
سهير وهي تشير بيدها بذمتك ده منظر تقابلي بيه الناس هو حد قالك ان ولاد اختي جايين النهاردة دول مهندسين وناس محترمين في حد يطلع يقابلهم كده 
جانا ببرود كبري مخك يا أنطي هو ده شكلي ولو مش عاجبهم يتفضلوا بالسلامة
وهنا قاطعهما حسين في ايه يا جانا مجهزتيش ليه يا حبيبتي الناس على وصول ده ابنه عز أول مرة يجي عندنا ويوسف صاحبي من زمان وعاوز أعمل معاه أحلىواجب
جانا بحنق طيب هو صاحبك يا انكل انا مالي بيه اعمله ايه يعني 
حسين پغضب عيب يا جانا الكلام ده صاحبي يعني لازم أكرمه واشكر ابنه على اللي عمله روحي غيري لبس العيال ده والبسي حاجة شيك وكويسة الناس عاوزاها تقول علينا ايه يالا اوام بلاش دلع وكلام فارغ .... 
جانا پغضب وهي متوجهة لغرفتها مااااشي !!!
في البناية 
صعد عز الدين ويوسف إلى منزل حسين الكائن بالطابق السادس 
يوسف وهو يحذره افرد وشك يا عز في ايه البوز اللي انت ضاړبه ده
عز بتهكم ماله وشي يابابا ماهو زي الفل أهو ارقص يعني عشان يعجب
يوسف باستغراب ياساتر عليك يارب
خرج الاثنين من المصعد وطرق يوسف الباب ففتح له حسين الذي كانت الابتسامة تعلو ثغره و...
حسين بفرحة حبيبي يا جوو نورت بيتك التاني يا اخويا .
يوسف وهو يحتضنه منور بصحابه يا سحس ايه مش هتقولنا اتفضلوا ولا هنفضل على الباب كتير
حسين وهو يفسح لهما المجال لأ ازاي ودي تيجي اتفضلوا يا أهلا وسهلا والله شرفتونا 
يوسف تسلم يا سحس تعالى يا عز متكسفش
عز باقتضاب اتكسف !!
ردد يوسف في نفسه انا حاسس ان اليوم ده مش هيعدي على خير 
وبعد السلامات والترحيبات من حسين وسهير والاستقبال الودي لهما في غرفة الصالون ..
حسين وهو يشير برأسه قومي يا سهير نادي ع البنات يسلموا على عمهم يوسف و ع البشمهندس عز
سهير وهي تنهض من مقعدها على طول يا حاج عن اذنكم يا جماعة ده احنا زارنا النبي والله 
يوسف الله يكرمك يا هانم ده بس من ذوقك
توجهت سهير إلى غرفة جانا ثم أمسكت بمقبض الباب وفتحته و..
سهير مسرعة لغرفة جانا يالا يا بنات كل ده وبتعملوا ايه الجماعة اعدينبره ايوه كده شكلك معقول يا جوجو ولو اني مش مقتنعة باللي انتي لبساه ده بس اهو ارحم من البيجامة..
جانا بضيق ماله لبسي ماهو ستايلش وع الموضة 
سهير بضيق بصي شوفي دينا لابسة ازاي وانتي يالا هاقول ايه بس مافيش وقت اطلعوا سلموا ع الناس عقبال ما أقدملهم حاجة
دينا وهي تغمز لجانا مش عارفة ليه عندي احساس انك ناوية تعملي مصېبة ان مكنتش کاړثة 
وحانت لحظة اللقاء توجهت كل من دينا وجانا إلى غرفة الصالون حيث يجلس يوسف وعز الدين فأسرعت دينا بالدخول أولا و...
يوسف مبتسما بسم الله ماشاء الله كبرتي اوي يا دينا
زي القمر يا بنتي مقولتلناش يا حسين أن عندك عروسة صغنونة كده 
دينا باحراج وخجل ميرسي يا انكل على ذوقك
حسين ضاحكا ههههههه العيال كبرونا واحنا مش حاسين
ثم الټفت لترحب دينا بعز والذي صدمها بوسامته الشديدة وهيئته المغرية 
دينا بنبرة
خاڤتة أهلا بشمهندس عز نورتنا
عز أهلا آنسة دينا العفو ده نورك
دينا بنظرات متفحصة ايييه انت كده ولا ايييه
عز بدهشة أفندم
دينا بخجل سوري اهلا بيك
عز باقتضاب أها شكرا
ثم دلفت جانا لغرفة الصالون وهي تضع يدها في جيب السلوبيت 
جانا بنبرة غريبة ساموعليكوو منورين
يوسف بدهشة مصافحا جانا وعليكم السلام ازيك يا جانا يا بنتي حمدلله على سلامتك اتفضلي يابنتي الورد ده عشانك
جانا وهي تمد كلتا يديها لتأخذه الحمدلله يا انكل يوسف ميرسي ع ذوقك
يوسف وهو ينظر إليها بتمعن شديد اللي يشوفك يقول عليكي طول عمرك عايشة هنا مش تربية خواجات
جانا وهي تتصنع الخجل ثانكس يا انكل
ثم مد عز يده ليصافح جانا لكنها احرجته ونظرت إليه بنظرات استعلاء وقرف و...
جانا بتهكم لا مؤاخذة ايدي مش فاضية
عز مندهشا وهو فاغرا فاه نعم ....... !!!
اعتلى الضيق وجه عز الدين حاول أن يتحكم في أعصابه وألا يتهور بشيء ..
عز في نفسه بضيق اللهم اخذيك يا شيطان هو يوم مش فايت من اوله انا عارف هي مصېبة واتحدفت عليا
جانا بتحدي في نفسها استلقى بقى وعدك يا حلو
حسين مقاطعا الصمت الذي ساد ها قولي ايه رأيك يا يوسف في الشقة فاكر زمان لما كنت بتجي هنا نذاكر سوا
حسين انا بعز البيت ده اوي كان فيه لمتنا من زمان وحتى لما اشتريت الفيلا
الجديدة بتاعتنا برضوه حابب اني اقعد هنا حياتي كلها هنا والناس اللي بحبهمكانوا هنا
يوسف وهو حد يقدر ينسى ذكرياته وحياته وناسه الطيبين
حسين طب تعالى يا يوسف اوريك انا عملت ايه فيها ده انا خدت الشقتيناللي جمبي على شقتي 
اصطحب حسين يوسف معه ليريه المنزل بعد أن أجرى التعديلات فيه ..
بينما ظل كلا من جانا وعز ينظران لبعضهما البعض بتحدي وغيظ فقرر عز
ألا يعريها الانتباه فمد يده وأمسك بكوب المشروب الموضوع في الصينية ثم بدأ في ارتشاف العصير الموضوع بداخله في حين كانت دينا تحملق في عز برومانسية حالمة ...
ظل الصمت سائدا إلى أن قاطعه صوت سهيرب...
سهير يالا يا جماعة الغدا جاهز اتفضلوا انتو مش محتاجين عزومة البيت بيتكم يالا يا بنات هاتوا عز وتعالوا ع السفرة
جانا بقرف وتهكم اتفضل عشان تطفح
شرق عز بعد أن سمع عبارة جانا الأخيرة و..
عز بدهشة وصوته مخټنق من آثر العصير كح.. كح ... نعم!! بتقولي ايه 
جانا تطفح ايه مسمعتش!!
عز بنبرة غاضبة الله يخربيتك يا شيخة في حد يعزم حد على أكل ويقوله اطفح ايه اهلك معلموكيش ازاي تتكلمي مع ضيوفك
جانا بغيظ لأ أنا متربية ڠصب عنك بس انا ببقى قليلة الأدب والذوق مع أمثالك انت ليك عين أصلا تجي هنا بعد اللي عملته أما صحيح انسان وقح ... 
عز بعصبية انتي عارفة انتي بتقولي ايه انتي واعية لنفسك 
جانا بقرف يالا ياض انجز مش هنستناك كتير
جلست جانا من عز ..
حسين بصوت دافيء مد ايدك يا يوسف ده بيتك هتتكسف من اخوك ولا ايه ...
يوسف بنبرة حانية أكسف ايه بس ده الأكل بسم الله ماشاء الله يفتح النفس تسلم ايدكي يا سهير هانم
سهير وهو أنا عملت حاجة يا بشمهندس يوسف يارب بس الأكل يعجبكوا كل ياعز مالك يا بني الأكل مش عاجبك في حاجة فيه مش مظبوطة
عز وهو ينظر لجانا لأ يا طنط الأكل شكله حلو بس انا مش واخد ع اني أكل كتير بس تسلم ايدك اسفين تعبناكي معانا
حسين تعب ايه يابني ده احنا مش عارفين نعملكوا ايه ولا ايه عشان نشكرك
عز بتهكم اه فعلا ماهو واضح
سهير يالا يا جانا اعزمي على عز ياكل ده ضيفك ميصحش
جانا بسخرية وبصوت خاڤت اتفضل لوغ قصدي كل 
عز بحنق بصوت خاڤت اللهم طولك
يا روح
شرع الجميع في تناول الطعام ورغم الضيق البادي على وجه عز إلا ان الطعام كان شهيا فحاول أن يتناسى وقاحة جانا .. ولكن دوام الحال من المحال طلبت سهي رمن جانا أن تناول عز طبق السلاطة فنفذت جانا طلبها
و..
جانا وهي تناوله الطبق بالسم الهاري .. !!
سهير بلهفة مالك يا عز يا بني في حد جايب في سيرتك اشرب المياه دي. 
جانا بصوت سمعه عز ههههههههه وانت كمان ليك فروة انا قولت من الأول انك animal 
عز بنظرات غاضبة بت انتي .. متنرفزنيش
جانا ببرود هات اخرك معايا
عز بضيق والمصحف ما هيهمني حد وهاقوم اعرفك شغلك ولا نسيتي
جانا بنبرة عالية تحمل الاستهزاء منه اتفضل وريني شغلي انت بؤ !!
نهض عز الدين بالفعل من على طاولة الطعام ظل يحملق في جانا ويتوعد لها .. لم يرغب في أن يجعل هذا الأمر يمر مرور الكرام ولكنه تعهد لنفسه أن يربيها وعلى